Jeff
05-07-2007, 10:06 AM
Mihimo ang psychiatrist sa iyahang binuwan nga tsek-ap sa mga pasyente sa mental ward. Tungod kay ubay-ubay ang mga pasyente, nakahukom siya nga dili na lang niya tagsa-tagsaon pag-eksamen ang mga pasyente.
Busa, gisulayan niya ang mga pasyente. Gisugo niya ang iyang staff pag-drowing og usa ka pultahan diha sa bungbong sulod sa kwarto sa mga pasyente. Nakasaksi ang tanang pasyente sa pagpintal sa staff sa maong pultahan diha sa bungbong.
Makailad kaayo ang pultahan nga gi-drowing. Mora gayud kini'g tinuod. Lakip ang doorknob sa pultahan mora sa'g tinuod.
Pagkahuman na sa pultahan, miingon ang psychiatrist ngadto sa mga pasyente, "Kinsa kadtong buot nga mouli na sa ilaha, mahimong mogawas agi nianang pultahan sa bungbong."
Pagkadungog sa mga pasyente, naglumbaanay sila'g dagan paingon sa gi-drowing nga pultahan. Nag-inilogay sila pag-abli sa doorknob. Nagtinukmoray sila. Gisulayan gayud nila pagbira ang doorknob apan dili man gyud maabli, busa, ila na pu'ng gisulayan pagdasmag ang maong pultahan--wala gihapon maabli.
Nakapanglingo ang duktor. Wala pa gyud diay mangaayo kining iyang mga pasyente sa mental wared. Apan sa suok sa maong kwarto, nakamatikod ang duktor nga may usa ka pasyente nga wala mosalmot sa kalandrakas. Hilum lamang nga naglingkod ang maong pasyente sa lingkoranan dapit sa bintana. Ingon ang duktor sa iyang kaugalingon, "Taympa, mora'g maayo na man kining pasyenteha. Akong pangutan-on."
Miduol ang duktor sa pasyente ug nangutana, "Manoy, dili diay ka ganahan makagawas na niining mental ward?" Mitubag ang pasyente, "Ganahan man, Dok." Nakahunahuna ang duktor nga naayo na gyud kining pasyenteha, busa nangutana siya'g usab, "Unya, nganong wala man ka motabang sa imong mga kauban pag-abli nianang pultahan padulong sa gawas?"
Misiga ang mata sa pasyente, "Ngano gud intawong moapil ko? Mga boang man na silang tanan..." Mipahiyum ang duktor ug miingon sa kaugalingon, "Naayo na gyud kining pasyenteha."
Ug mikuot ang pasyente sa iyahang bulsa ug mipagawas sa usa ka bugkos nga yawe ug miingon sa duktor, "Mga tonto na silang tanan! Wala sila kahibalo nga naa nako ang yawe!"
:eek: :D
Busa, gisulayan niya ang mga pasyente. Gisugo niya ang iyang staff pag-drowing og usa ka pultahan diha sa bungbong sulod sa kwarto sa mga pasyente. Nakasaksi ang tanang pasyente sa pagpintal sa staff sa maong pultahan diha sa bungbong.
Makailad kaayo ang pultahan nga gi-drowing. Mora gayud kini'g tinuod. Lakip ang doorknob sa pultahan mora sa'g tinuod.
Pagkahuman na sa pultahan, miingon ang psychiatrist ngadto sa mga pasyente, "Kinsa kadtong buot nga mouli na sa ilaha, mahimong mogawas agi nianang pultahan sa bungbong."
Pagkadungog sa mga pasyente, naglumbaanay sila'g dagan paingon sa gi-drowing nga pultahan. Nag-inilogay sila pag-abli sa doorknob. Nagtinukmoray sila. Gisulayan gayud nila pagbira ang doorknob apan dili man gyud maabli, busa, ila na pu'ng gisulayan pagdasmag ang maong pultahan--wala gihapon maabli.
Nakapanglingo ang duktor. Wala pa gyud diay mangaayo kining iyang mga pasyente sa mental wared. Apan sa suok sa maong kwarto, nakamatikod ang duktor nga may usa ka pasyente nga wala mosalmot sa kalandrakas. Hilum lamang nga naglingkod ang maong pasyente sa lingkoranan dapit sa bintana. Ingon ang duktor sa iyang kaugalingon, "Taympa, mora'g maayo na man kining pasyenteha. Akong pangutan-on."
Miduol ang duktor sa pasyente ug nangutana, "Manoy, dili diay ka ganahan makagawas na niining mental ward?" Mitubag ang pasyente, "Ganahan man, Dok." Nakahunahuna ang duktor nga naayo na gyud kining pasyenteha, busa nangutana siya'g usab, "Unya, nganong wala man ka motabang sa imong mga kauban pag-abli nianang pultahan padulong sa gawas?"
Misiga ang mata sa pasyente, "Ngano gud intawong moapil ko? Mga boang man na silang tanan..." Mipahiyum ang duktor ug miingon sa kaugalingon, "Naayo na gyud kining pasyenteha."
Ug mikuot ang pasyente sa iyahang bulsa ug mipagawas sa usa ka bugkos nga yawe ug miingon sa duktor, "Mga tonto na silang tanan! Wala sila kahibalo nga naa nako ang yawe!"
:eek: :D