- 55shares
- Share on Facebook
- Share on Twitter
By Rodrigo S. Victoria
NAVAL, Biliran ( PIA) – Giawhag sa Naval Central School Alumni Association (NCSAA) ang tanang mga alumni nga naghupot ug mga karaang mga hulagway o pictures kanhi sa dihang diha pa sila nag-eskwela sa Naval Central School sa pagsubmiter niini ngadto sa opisina sa principal sa NCS sa bisan unsang adlawa gikan karon gawas sa Sabado ug Dominggo.
Kini nga mga karaang hulagway pwede magagikan sa estudyante, mga maestra ug mga opisyales kanhi sa NCS nga nagpakita sa mga nagkalain-laing mga kalihukan sa NCS sama pananglit sa school program, graduation ceremony, playground demonstration atol sa pista, party sa mga opisyal, magtutudlo ug mga estudyante ug uban pang mga hulagway nga may kalabutan sa eskwelahan.
Ang maong mga hulagway pagagamiton alang sa usa ka photo exhibit nga gitawag ug [email protected]:Paghanduraw sa mga Hulagway sa Kagahapon diin kini kaparte nga kalihukan sa centennial alumni homecoing sa Naval Central School karong Oktubre 1, 2015.
Ang photo exhibit anha makita sa entrance covered walk sa Naval Central School sa Oktubre 1 o mas sayo pa niana kung aduna nay mga mamontar nga mga hulagway usa pa ang Oktubre 1.
