Mary Lailani Pitao-Tupaz

NAVAL, Biliran (PIA) – Basi sa pinakaulahing laboratory report sa Bureau of Fisheriesand Aquatic Resources (BFAR) 8, positibo sa Paralytic Shellfish Poisoning nga sobra pa sa regulatory limit ang mga shellfish nga gikolekta gikan sa mga coastal waters sa Naval, Biliran.

  
Samtang nagpabilin gihapon nga positibo sa red tide toxin ang Daram Island, Samar; Irong-Irong Bay, Catbalogan; Carigara Bay nga naglakip sa Carigara; Capoocan, Barugo, San Miguel, Leyte; ug Cambatutay Bay, Tarangnan,Samar, sumala pa ni Dr. Juan Albaladejo diha sa BFAR8 Local shellfish Bulletin No. 31, niadtong Nobyembre 21, 2015. 

Sanglit giawhag ang publiko sa dili pagkaon, pagpanguha, pagbaligya, ug pagpalit sa tanan klase sa kinhason o suso sa mga kadagatan sa Naval; Daram; Irong-Irong Bay; Carigara Bay; ug Cambatutay Bay tungod kay dili pa kini luwas kan-on sa katawhan hangtod nga moubos na ang hilo niini sa regulatory level.
Sa samang bulletin gipasabot nga luwas sa red tide toxin ang Cancabato Bay (Tacloban City, Leyte); San Pedro Bay (Palo uf Tanauan, Leyte); Babatngon Waters (Babatngon, Leyte); Ormoc Bay (Ormoc City, Albuera, ug Merida, Leyte); Sogod Bay (Sogod Southern Leyte) ug Matarinao Bay sa Eastern Samar. # (PIA8 Biliran)

LEAVE A REPLY

Please enter your comment!
Please enter your name here