LGU-Naval mopahigayon ug public hearing

NAVAL, Biliran (PIA) — Mopahigayon ug public hearing ang lungsod sa Naval ugma nga adlaw, Biyernes, Hunyo 22, sa alas 9:00 ang takna sa buntag didto sa SB session hall, nga magtukib sa mga ordinansa kabahin sa speed limit o gikusgon pagpadagan sa sakyanan sulod sa lungsod ug sa pagdili paggamit sa helmet ug uban pang mga tabon o taptap sa nawong sa mga motorist sulod sa lungsod sa Naval.

Ang maong mga limitasyon gipaubos sa Ordinance No. 42-2018, Ordinanace 33-2017, ug Ordinance No. 34-2017 nga giduso ni Councilor Martin Lagat kina maoy chairman sa Committee on Blue Ribbon and Legal Matters ug Vice-Chairman sa Committee on Public Order and Safety.

Kini nga mga ordinansa mao ang tubag sa panawagan ni Mayor Gerard Roger Espina pagpanalipod sa kinabuhi sa mga lumulupyo.

Kasumpay niini mao ang panawagan ni Mayor Espina sa publiko sa pagtambong sa public hearing ugma nga adlaw aron mas masabtan kini sa katawhan.  (mlt/PIA8 Biliran)

Comments