30-anyos gigabas sa kainom
30-anyos gigabas sa kainom

BiliranIsland.com Staff
BiliranIsland.com
First Posted 10:30 AM 08/28/2019

CULABA, Biliran – Dili gihapon makatoo hangtod karon ang usa ka 48 anyos nga lalaki sa iyang nabuhat pag lagari sa iyang kainom didto sa Barangay Bool East, Culaba. Sangko kono sa langit ang iyang pagbasol.

Kini pagkahuman gipatay gamit ang chainsaw sa suspek nga si Roger Paje ang iyang katagay. Ang iyang bugtong asawa mao ang iyang pag-umangkon.

Matud pa ni Police Lt. Isidoro Ancero Jr, Hepe sa Culaba PNP, nakaistorya mismo niya ang suspek kung nganong iyang nabuhat ang krimen. Ang tubag lang sa suspek nga wala siyay nahinundoman sa nahitabo ug ang iyang nahinumduman mora ug dagmo lang.

Istorya sa suspek nga nagdamgo lang daw siya nga may giputol siya nga kahoy nga gituohan nga adunay buhi nga engkanto.

Mao kini ang Chainsaw na gigamit sa suspek pag gabas sa iyang kainom Hulagway gikan ni Police Lieutenant Isidoro Ancero Mao kini ang Chainsaw na gigamit sa suspek pag gabas sa iyang kainom Hulagway gikan ni Police Lieutenant Isidoro Anceto

Sangko sa langit ang pagbasol sa suspek ug wala siya nagdahom nga ang iyang katagay na diay ang iyang gi chop-chop sa chainsaw.

Subay sa imbestigasyon sa PNP Culaba, walay problema ang suspek apan anaa sa ilawom sa impluwensya sa makahubog nga ilimnon sa dihang nahitabo ang krimen.

Giingon sa pamilya sa suspetsado, kanunay nilang gibantayan si Paje kung kanus-a siya moinom, tungod kay nahimo kini nga bayolente matag higayon nga siya mahubog.

Ang krimen nahitabo sa panimalay sa suspek sa Barangay Bool East, Culaba, Biliran, pasado ala una sa hapon, niadtong Dominggo, Agusto 25, 2019.

Sa karon, pormal na nga gisampahan sa Culaba PNP sa Provincial Prosecutor Office ug Murder nga kaso ang maong suspek. – BiliranIsland.com

2 COMMENTS

LEAVE A REPLY

Please enter your comment!
Please enter your name here