BiliranIsland.com Staff
First Posted 06:38 AM 09/05/2019
BiliranIsland.com
NAVAL, Biliran – Usa ka driver gituohan nga hubog ang nabangga sa punoan sa kahoy, pasado alas 2 sa kaadlawon, Setyembre 5, 2019, didto sa Sitio Cogon, Larrazabal, Naval, Biliran.
Mga alas 4 pasado na sa kaadlawon napalgan ang biktima, kay nabangga kini sa tago nga lugar.
Giila ang biktima nga si Jonel “Boboy” Ala Roble, 22 anyos, ug residente sa na asoy nga lugar. Naka-angkon ang biktima ug samad sa ulo, nawong, ug uban pang parte sa kalawasan niini.
Matud pa sa saksi, nakabati siya ug kusog nga tingog sa motor ug kalit lang kini napawong. Wala niya adtoa ang lugar kay nahadlok siya.
Honda RS 150, walay plaka, ang gimanihoan sa biktima.
Gikuha sa funeraria ang patay nga lawas sa biktima. – BiliranIsland.com
