LTO Enforcer gibanggaan, naangol

By BiliranIsland.com Staff
Published 1:20 PM, October 16, 2019
BiliranIsland.com

NAVAL, Biliran – Usa ka Land Transportation Office (LTO) Region 8 enforcer ang naangol human kini gibanggaan sa motor nga mo ikyas unta sa dakop kaganiha sa mga alas 7:25 sa buntag didto sa Padre Inocentes St. Naval, Biliran.

Ang enforcer giila na si Alvin Ipoña, 37, residente sa Brgy. P. I. Garcia, Naval.

Matud pa sa Police Report, usa ka motorcycle ang ning ikyas unta sa dakop sa LTO pero iyang nabanggaan si Opeña. Ang driver sa motor mao si Leojay Pantuan, 18 anyos, studyante, residente sa Brgy. Sto. Nińo, Naval, Biliran.

Ang gi maniho ni Pantuan mao ang Kings motorcycle, color black, walay plaka gidala sa PNP Naval.

Nasuta usab nga walay lisensya si Pantuan.

Dali na gidala sa Biliran Provincial Hospital ang LTO enforcer na samdan sa ulo ug nag takiang pa kini.

Kasong reckless imprudence resulting to physical injury ang atubangon sa driver.

– BiliranIsland.com