Motor vs Motor

By BiliranIsland.com Staff
Photo by Junnie Sabordo Corto
Published 12:25 AM, November 6, 2020
Last Updated 8:49 AM, November 6, 2020
BiliranIsland.com

Update. Ning surrender na ang driver sa Suzuki Raider

Almeria, Biliran – Duha ang angol sa disgrasya sa kadalanan sa highway sa Almeria, Barangay Matanggo, Lungsod sa Almeria huwebes, sa 9:00 kagabie.

Ang naangol naila nga sila si Jeffrey Corto y Sabordo, 17, taga Barangay Tabunan nga nagmaneho sa iyang motor (Honda Beat 125 cc) nga dunay angkas, John Paul Malagsik, 25 anyos, taga Barangay Tabunan.

Ang duha naka angkon og samad ug bun-og.

Matud pa ni Police Liutenant Jiff Allan B Castilla, Officer in Charge sa Almeria Police Station, gikan sa lungsod sa Naval si Sabordo kay mopadulong kini pauli sa Barangay Tabunan, apan pag-abot sa Barangay Matanggo gibanggaan kini sa motor na Suzuki Raider 110cc na padulong sa Poblacion Almeria.

Giingong kusog ang padagan og nanlapas sa pikas linya ang motor na Suzuki Raider hinungdan sa panagbangga nilang duha.

Kalit nga ning biya sa lugar ang driver sa Suzuki Raider.

Apan walay swerte ang driver sa Raider kay nailhan kini sa usa ka tambay nga si Kyle Malabat (witness).

Ang driver sa Suzuki Raider giila nga si Sim Vincent Macabenta, 16, taga Barangay Poblacion Almeria.

Gidala sa tambalanan ang mga biktima.

Nasayran sa kapolisan nga pulos walay mga driver’s license ang duha ka drayber. – BiliranIsland.com

Previous articleBiliran Governor offers reward for wildlife poachers
Next articleTwo minors driving without driver’s license figured in a road accident

LEAVE A REPLY

Please enter your comment!
Please enter your name here