By BiliranIsland.com Staff
Published 09:27 PM, December 16, 2020
BiliranIsland.com
Caibiran, Biliran – Usa ka bag-ong nailhan nga tigpayuhon ug druga ang nasikop sa nanaghiusang pwersa sa PDEA ug sa Station Drug Enforcement Team mga alas 12: 19 sa udtu niadtung Huwebes Dec 10, sa Jade Crown Meadows Housing Village sa Brgy. Cabibihan Caibiran, Biliran.
Giila ni Police Lt. Ruel Sitoy, hepe sa Caibiran Pulis ang suspek nga si Remar Salili, 30, ulitawo, way trabaho residente sa nahisgutan nga NHA housing apan ussa ka natibo sa Naga, Zamboanga Sibugay.
Nakuha gikan sa suspek ang usa ka pakete nga aduna sud nga puti nga mga kristalin nga gidudahang shabu nga napalit sa usa ka operatiba sa kantidad nga P1 ka libo. Sa gipatigayon nga pagrekisa sa lawas sa suspek atubangan nila ni Anthony Marlon C Mecaral representante sa media, Maricar G Delis, sa Department of Justice ug Reynaldo D Dequina, Brgy. Councilor nakuha gikan sa posisyon nini ang usa ka liniikit nga papel nga sa dihang giabliha nakita may sud nga duha ka mga puti nga mga kristalin nga gidudahang shabu nga gibanabana nga nagkantidad ug 2 ka libo ka pesos.
Nakuha usab sa posisyon sa suspek ang usa ka tibuok nga usa ka libo nga adunay BP117528 nga usa ka markadong kwarta gamit sa operasyon.
Ang suspek nagsige ug limod nga nagpayuhot siya ug ginadiling druga didto sa ilang lugar. Apan ang kapolisan miingon gyud nga positibo sila sa pagsikop sa suspek tongod kay usa mahitabo ang buy bust niadtung adlawa pipila usa nila ka mga inpormante ang positibo nga mitumbok sa suspek nga namaligya.
Kasong paglapas sa RA 9165 ang komprehesibong balaud kontr sa illegal nga druga niadtung 2002 ang gisang-at na sa buhatan sa piskalya sa probinsya didto sa lungsod pinaagi sa usa ka Inquest proceeding.
