By BiliranIsland.com Staff
Published 07:53 PM, June 22, 2021
BiliranIsland.com

Almeria, Biliran—Nasikop sa nagkahiusang pwersa sa kapolisan ug PDEA ang gikataho nga Top 3 sa mga personahe sa druga sa probinysa sa Biliran human ang gipatigayon nga buy bust operation mga 11: 35 ang takna sa buntag kagahapon Lunes Huyo 20, didto sa Brgy. Pili Almeria sa Probinsiya sa Biliran.

Ang suspek nailhan nga si Michael Mergildo, 38, minyo, way trabaho, residente sa Maripipi, Biliran apan kasamtangan nga nanimuyo sa Brgy. Pili, sa lungsod sa Almeria.

Nakuha gikan sa posisyon sa suspek ang usa ka pakete nga may sud nga mga puti nga kristalin nga gidudahang shabu nga napalit sa usa ka operatiba sa kantidad nga P500.

Sa gitpatigayon nga pagrekisa sa lawas sa biktima nakuha gikan sa bulsa niini ang usaka itom nga pitaka nga sa dihang giablihan nakuha ang laing duha ka mga pakete nga may sud nga nga gidudahang shabu nga gibanabana nga motimabang tana ug usa ka gramo ang aduna kantidad sa karsada nga P6800.

Nakuha usab sa bulsa sa suspek ang usa ka tibuok nga P500 pesos nga aduna serial number nga F141052 nga usa ka markadong kwarta gamit sa operasyon.

Gihimakak sa suspek nga iya ang mga nakuhang mga illegal nga epektos sa kapolisan kaniya.

Kasong paglapas sa RA 9165 ang kmprehenbsibong balud kontra sa illegal nga druga niadtung 2002 ang gipasaka na kaganina sa Provincial Prosecutors Office sa Naval Biliran ngadto sa suspek nga kasamtangan karong naka detini sa Almeria Police Station.

Previous articleCAFGU, rebel returnee’s couple found dead
Next articleUpat sikop, 21 naluwas sa human trafficking

LEAVE A REPLY

Please enter your comment!
Please enter your name here