By BiliranIsland.com Staff
Published 10:25 AM, July 1, 2021
BiliranIsland.com

Naval, Biliran —Upat ka mga na nasikop sa nagkahiusang pwersa sa local nga kapolisan ug sa Criminal Investigation and Detection Group sa gihimog ronda sa usa ka balay kahilayan diin 21 ka mga babaye ang naluwas sa gihimong human trafficking sulod sa usa ka lodging house mga 8:30 sa kagabhion niadtung Biernes Hunyo 25 sa V&C Compound sa Brgy. Sto Niño, Naval, Biliran.

Giila sa hepe sa Naval Biliran Police Major Michael John Astorga ang mga nasikop nga sila si Imelda Delima, 40, dalaga, manager sa Audio Video Machine ug residente sa Brgy. Sto Niño. Naval, Biliran, Rosaida Morilla, 38, floor manager, ug residente sa Brgy. Palayan, Leyte, Leyte, Judadaiah Manuel Dela Peña, 31, ulitawo, residente sa Brgy. Larrazabal, Naval, Biliran ug si Dolores Dagoy, 43, dalaga, manager sa Gavs OK Bar ug residente sa Brgy. Sto Niño, Naval Biliran.

Matud pa sa kapolisan nakadawat sila ug daghang mga reklamo nga adunay nahitabong pagpamiligya sa unod suod didto sa V&C compound busa usa ka entrapment operation ang ilang gihimo. Uban sa mga sakop sa CIDG sa Probinsya sa Biliran, Municipal Social Welfare and Development Office mga sakop sa Biliran Intelligence Unit, ug sa Biliran Mobile Force ila gilayon gironda ang nahisgutang lugar human makakuha ug babaye ang usa nga nagpatoo nga kostumer nga operatiba.
Nakuha gikan sa mga suspek ang duha ka mga tibuok nga tags aka libo nga adunay serial number nga H058506 ug EP218425 nga mga gisubsrib nga kwarta sa korte aron gamiton sa operasyon.

Ang tanan naluwas nga nga kababayen-an ang gidala usa sa buhatan sa Naval Police aron kuhaan sa ilang personal background dayon gibalhin kini sa pag atiman sa MSWD.

Kasong human trafficking ang gipasaka sa kapolisan kontra sa upat ka mga suspetsado nga kasamtangan pa karon atu nagtinagkagol sa Naval Municipal Police Station. 

Previous articleTop 3 drug personality sa Probinsya sa Biliran sikop
Next articleMag-uuma nga nagbahis tongod sa kahubog nga nakuhaan ug pusil gikihaan na

LEAVE A REPLY

Please enter your comment!
Please enter your name here