By BiliranIsland.com Staff
Published 07:00 AM, July 11, 2021
BiliranIsland.com

Kawayan, Biliran – Nasikop sa kapulisan ug PDEA ang usa ka lab-asero og isda sa anti illegal drugs operation sa Huwebes, Hulyo 8, 2021.

Ang operasyon gilusad sa Municipal Drug Enforcement Unit uban sa Provincial Drug Enforcement Unit ug Philippine Drug Enforcement Agency (PDEA) sa Brgy. Burabod, Kawayan, Biliran, alas 10 sa buntag sa Huwebes.

Giila sa hepe sa Kawayan Police Liutenant Hilario P Rambano III, ang suspek nga si Mark William Cornwill y Cabusor, 27, adunay kaipon, usa ka lab-asero ug residente sa Brgy. Villa Cornejo, Kawayan.


Ang suspek gi gikonsiderar nga Priority Target List-High Valued Target (PTL-HVT) ug Top 6 Drug Personality sa PDEA sa Probinsya sa Biliran.

Base sa report sa kapulisan, daghan na sila og impormasyon nga nadawat nga nalambigit ang lab-asero sa ilegal nga kalihukan. Gipanid-an sa kapulisan ang suspek kon unsa kini ka tinuod ug gisuwayan sa pagpalit.

Usa ka poseur buyer ang nakig transaksyon kang Cornwill ug positibo kini nga napalitan og usa ka pakete sa gituhoang shabu sa kantidad nga P500.

Sa pagrekisa sa iyang lawas, nakuhaan pa siya og laing tulo ka pakete sa gituhoang shabu nga mo kantidad og P20,400.00 ug ang marked money nga gigamit.



Gi-angkon

Gi-angkon sa dinakpan nga iya ang mga nakuha nga shabu og nabuhat niya ang pag maligya tungod sa kay gamay ra ang iyang kita sa pag panglab-as og isda.

Napugos?

Apan dakong singgit sa iyang inahan na napugos ra kini pag angkon, dugang ani isda ray gibaligya sa iyang anak.

Hugot pa sa bakos ang pag-angkon sa suspek ug gi ingnan nalang niya ang iyang inahan na tabangan siya, labi na may 2 anyos siya na special child.

Balhog sa prisohan ang suspek ug magatubang og kasong may kalapasan sa R.A. 9165 kun comprehensive dangerous drugs act of 2002.

Previous articleNo. 1 Most Wanted Person in Naval, Biliran arrested
Next articleDriver sikop sa buy-bust operation sa Lungsod sa Biliran

LEAVE A REPLY

Please enter your comment!
Please enter your name here