By BiliranIsland.com Staff
Photos by Kris P. Bagdoc
Published 07:52 AM, August 15, 2021
BiliranIsland.com
Almeria, Biliran – Namatay ang tiguwang nga lalake nga nagbaktas human siya nabanggaan sa usa ka sakyanan alas 3:25 sa hapon, Agosto 14, 2021 sa national highway sa Sitio Daro, Brgy. Poblacion, lungsod sa Almeria, Biliran.
Si Alfredo Mata y Daguinot, mang-uuma, ug taga Sitio Ilijan, Bgry. Poblacion, lungsod sa Almeria, gidala sa Biliran Provincial Hospital (BPH), apan nabugtuan kini og kinabuhi.
Nitahan sa kapulisan si Muralla Joel y Docallos, 52 anyos, minyo, taga Barangay Osmeña Poblacion, lungsod sa Almeria.
Si Muralla, sakay sa iyang Suzuki( Van ), nga may plaka nga JFA979 gikan sa Lungsod sa Kawayan, ug padulong sa Naval.
Base sa taho sa Almeria Police Station, samtang nagmaneho siya sa iyang sakyanan ang antipara sa mata nahulog sa salog sa sakyanan sa diha nga gisulayan niya kuhaa ang nahisgutang antipara nga wala niya tuyoa nga nadaganan ang usa ka bato nga miresulta sa pagka-panic niya ug nawad-an siya sa kontrol ug napaliso ang manibela sa wala nga bahin nga nagresulta sa pagtabok sa sakyanan sa lain pang linya sa kalsada ug miresulta sa pagkabunggo / pagbangga sa biktima nga naglakaw subay sa dalan ug natumba sa konkretong semento ug nakaangkon og kadaot sa lainlaing bahin sa iyang lawas.
Ang biktima gidali pagdala sa RHU Ambulance sa Biliran Provincial Hospital alang sa dali nga pagpatambal.
Gikustodiya na si Muralla sa Almeria Police Station ug Reckless imprudence resulting to homicide ang ipasaka nga kaso batok sa iyaha. -BiliranIsland.com
