By BiliranIsland.com Staff
Published 09:16 AM, August 16, 2021
BiliranIsland.com

Caibiran, Biliran – Giila nga high value target (HVT) sa kapulisan sa probinsya sa Biliran ug Priority Target List sa PDEA ang nasikop sa gihimong buybust sa PDEU, Naval MPS, Caibiran MPS ug PDEA-Biliran didto sa Barangay Cabibihan, lungsod sa Caibiran, alas 9:35 sa buntag, Agusto 14, 2021.

Suspek giilang si Alfred Dominique Ebajan y Joseph, 36 anyos, minyo, delivery boy ug molupyo sa Barangay PI Garcia, Naval, Biliran.

Matud pa sa taho sa kapulisan, Ang venue sa transaksyon una nga gikasabutan sa Brgy PI Garcia, lungsod sa Naval, apan ang target subject nga gibag-o ang venue ug nangandam siya sa Brgy Cabibihan sa hinungdan nga padulong siya sa Caibiran ug Culaba aron makigsabot sa uban pa niyang kostumer didto.

Sa pagkuha sa impormasyon gikan sa kompidensyal nga impormante (CI), ang grupo sa kapolisan nagpadayon dayon sa munisipyo sa Caibiran aron makigsabot sa suspetsado. Sa ulahi, sa koordinasyon sa PDEA, sa ikaduhang higayon ug koordinasyon sa Caibiran MPS, malampuson nga gihimo ang operasyon sa entrapment.

Usa ka pulis nga nagpatuo nga kustomer ang mipalit og usa ka pakete sa gituohang Marijuana balor lima-gatus-ka pesos.

Nakuha usab gikan sa paghupot ug pagpugong sa nasangpit nga suspetsado ang laing duha ka sachet sa gidudahang Marijuana, lima-gatus-ka pesos (P500.) nga may serial number nga AS872347, usa ka unit motorcycle Honda Click nga adunay yawi (plate No. 798TAB), salapi nga kantidad nga P141.00, usa ka pc tube mask, ug usa ka unit nga SMART Phone nga adunay head set.

Gihikay na sa kapulisan ang pagpasaka og kasong pagsupak sa Republic Act 9165, kun Comprehensive Dangerous Drug Act of 2002 batok sa suspek didto sa korte. – BiliranIsland.com

Previous articleTigulang naligsan, patay
Next articleAmerican national involved in vehicular accident fled, arrested

LEAVE A REPLY

Please enter your comment!
Please enter your name here