By BiliranIsland.com Staff
Published 05:10 AM, August 21, 2021
Contributed Photos
BiliranIsland.com

Naval, Biliran – Duha ka drayber sa motorsiklo gidali pagdala sa bay tambalanan human nagsungag ang duha ka motorsiklo didto sa national highway sa Barangay Caraycaray, lungsod sa Naval, Biliran.

Ang insidente nahitabo alas 7:30 sa gabie, Byernes, Agusto 20, 2021. Duol sa Naval School of Fisheries.

Ang Rusi 150 walay plaka ug gimaneho ni Junrey Lagaya y Dabalos, 34, security guard sa Wall Street Courier Services INC, taga Sitio Campungos, Brgy. Bato, Biliran.

Ang motorsiklo nga kolor blue ug itom, usa ka Motoposh Pinoy 125 nga dunay plate number 7661GW, gimaneho ni Gomer Cabalquinto y Lagariza, 44, minyo ug taga Brgy. Anislagan, Naval. Lakip na angol ang backrider (asawa) sa ni Gomer nga si Mercy Cabalquinto y Lauret, 39.

Subay sa pakisusi ni Police Major John Michael M Astorga, hepe sa Naval MPS, ang Rusi 150 naa sa right of way ug ning overtake ang Motoposh sa usa ka Coca-Cola truck, hinungdan sa pag ka banga-anay.

Ang duha nga drayber naa sa kritikal nga kahimtang ug padayon nga gitambalan sa Emergency Room. Ang back rider sa Motoposh Pinoy 125 naa na sa stable nga kondisyon.

Ang mga pamilya sa parehas nga partido nagkasabot nga magtinabangay ug husayon ​​nga malinaw ang hitabo.

Previous articleBiliran isinailalim sa MGCQ dahil sa pagpasok ng Delta variant
Next articleDPWH-Biliran completes P10-M seawall project in Cabucgayan, Biliran

LEAVE A REPLY

Please enter your comment!
Please enter your name here