By BiliranIsland.com Staff
Published 05:30 PM, August 24, 2021
BiliranIsland.com

Naval, Biliran—
Duha ka mga tawo usa niini bag-ong gawas sa prisohan human aporbahi sa korte ang iyang gipangayo nga Plea Bargaining Agreement nga anaa sa Target Priority List sa otoridad tyongod sa ilang kalambitgitan sa druga ang nasikop sa mga operatiba sa Provincial Drug Enforcement Unit sa Biliran Provincial Police Office, Station Drug Enforcement team ug PDEA pasado 4:35 ang takna sa hapon niatung adlawng Martes Agosto 17 didto sa Sitio Anas, Bgy Agpangi, Naval, Biliran.

Giila ni Police Major Michael John Astorga ang hepe sa kapolisan sa Naval ang mga suspek nga sila si Melvin Colita, 28, ulitawo, way trabaho, resident at Sitio Kawayanan, Brgy. Talustusan, Naval, Biliran, nga matud pa sa kapolisan mga tulo pa lamang ka semana gikan makagawas sa bilangguan tongod sa kasong illegal nga druga ug si, Richard Mongas, 25, ulitwo, wai trabaho ug residente sa Brgy San Miguel, San Isidro, Leyte nga gikatahong runner ni Colita. Ang usa gitumbok sa kapolisan nga usa ka Hig Valued Individual samtang ang usa bag-ong nailhan nga tigpayuhot sa illegal nga druga ug nahimutang sa katigorya nga street level.

Target sa naasoy nga operasyon mao gayud ang duha nga gikaingon nga mag partner kung mamaligya sa ginadiling druga. Apan ang bag-ong gawas sa prisohan nga si Colita mao ang target sa naasoy nga operasyon nga nasikop na niadtung Nobyembre 25, 2020 tongod sa pagpamaligya gihapon ug ginadiling druga.

Nakuha gikan sa suspek ang usa ka pakete nga adunay sulod nga puti nga mga kristalin nga napamatud-ang shabu nga napalit sa usa ka operatiba sa kantidad nga P500. Sa gipatigayon nga pag rekisa sa lawas sa suspek atubangan sa mga Opisyal sa Barangay, mga representante sa DOJ ug Prensa, nakuha gikan sa posisyon sa suspek ang usa ka tibuok nga P500 nga adunay Serial Number nga PR220528 nga usa ka kwarta nga gisuskriber sa korte aron himuon buy bust money.

Samtang sa gihimong pagrekisa kang Mongas nakuh ang linukotlukot nga papel sa bulsa niiini ug sa dihang giablihan adunay sud nga laing usa ka pakete nga dunay mga sud nga mga puti nga kristalin nga sa dihang gidala kini didto sa PNP Crime Lab ang nasuta nga usa kini ka high grade shabu nga nagkatidad ug P500. Nakuha usab gikan sa duha ang tulo ka mga celfone.

Way gibuhian nga pahayag ang duha nga nasikop apan matud pa sa kapolisan positibo sila nga and duha nalambigit gyud sa iligal nga druga basis a gipagawas nga inpormasyon sa ilang mga tinubdan.

Kasong paglapas sa RA 9165 ang komoprehensibong balud kontra sa iligal nga druga niadtung 2002 ang gipasaka gilayon sa nakasikop nga kapolisan ngadto sa Provincial Prosecutor sa Naval, Biliran kontra sa duha nga kasamtangan karon nga nagtingkagol sa selda sa Naval Police Station. – BiliranIsland.com

Previous articleBiliran’s high power rates due to generation charge
Next articleSK Chair arrested

LEAVE A REPLY

Please enter your comment!
Please enter your name here