Duha Patay sa disgrasya Sa Bato, Biliran

By BiliranIsland.com Staff
Published 10:58 PM, October 15, 2022
BiliranIsland.com

Biliran, Biliran – Patay ang managhigala human sila nakasugat og disgrasya diha sa national highway sa Barangay Bato, Lungsod sa Biliran kaganihang alas 5:40 sa hapon (Oktubre 15, 2022).

Ang nakalas mao si Albert Abanggan y Narrido, 37 anyos, drayber sa motorsiklo, taga Barangay Calumpang, Lungsod sa Naval, usa ka Police nga na assign sa Almeria MPS ug Lloyd Lucente y Javellana, 36 anyos, taga Barangay Sto. Niño, Naval, Biliran.

Matud pa sa taho, nasayran nga ang motor (Honda Click) nga gisakyan sa mga biktima padulong kini sa Biliran Proper samtang ang Mitsubishi Expander Titanium Gray (Plate no. HAB8487) nga gimaneho ni Solomom Merez JR y Abao, hingkod ang panuigon, School Principal ug taga Barangay Brgy Bato, lungsod sa Biliran ug TOYOTA HI ACE Commuter (Duptors) nga gimaneho ni Real Rodriguez y Amahan, hingkod usab ang panuigon , driver sa Duptors, taga Barangay Binulho Javier, Leyte nagbiyahe sa parehas nga direksyon padulong sa Naval, Biliran.

Apan pag-abot sa kurbada nga dalan sa nahisgutang lugar nawad-an og kontrol ang motorsiklo aksidenteng naigo/nabunggo ang wala nga bahin sa lawas sa Mitsubishi Expander ug nahagsa sa sementadong karsada ug nalabay ug nalamba sa semento ug nalagpot ug nadaganan sa TOYOTA HI ACE Commuter hinungdan sa hinanaling kamatayon sa pasahero ug dead on arrival sa Biliran Provincial Hospital ang driver sa motorsiklo.

Ang mga sakyanan nga nalambigit gidala sa Biliran Municipal Police Station alang sa disposisyon.
📷 Contributed Photos