Congressman Espina, Governor Espina ug mga kalinya sa Bando Espina nagfile na sa ilang COCs karong adlawa

By:Rodrigo S. Victoria
PIA Biliran

NAVAL, Biliran –Pormal na nga nagfile si Congressman Rogelio J. Espina, representante sa Lone District of Biliran sa iyang kandidatura balik pagka kongresista ug ang iyang manghod nga igsuon nga si Biliran Governor Geardo J. Espina,Jr. balik usab pagka gobernador sa probinsya sa Biliran.

Nagfile usab kauban nila ni Congressman Espina ug Governor Espina ubos sa lokal nga partido nga Bando Espina, mao sila si Biliran Vice-Governor Eriberto D. Tubis,Sr., nga nagpapili pag-usab balik pagka bise-gobernador sa probinsya sa Biliran ug mga kaubanan nga magpapili nga mga board members nga sila si Brigido Caneja III, Rolando Ty,Ricardo Kho ug Victoriano Justin Roa sa first district ug Atty.Edgar Igano, Carlos Chan, Rolando Sabornido ug Dominador Corpin sa second district.

Ang mga reeleksyonista pagka board member mao sila si Brigido Caneja III sa first district ug Atty.Edgar Igano, Carlos Chan, Rolando Sabornido ug Dominador Corpin sa second district.

Si board member Ricardo Kho, naglingkod na provincial board isip nagrepresentar sa mga grupo sa konsehal sa probinsya sa Biliran samtang si Rolando Ty, usa ka kanhi mayor sa Almeria ug Victoriano Justin Roa nga anak ni Marlon Roa, kanhi general manager sa BILECO ug ni Lucille Roa, hepe sa school governance and operations sa DepEd-Division of Biliran.

Mismo si Atty.Karen Cajipo, acting election supervisor sa Comelec-Biliran provincial field office ang midawat sa mga gifile nga mga COCs nila ni Congressman Espina, Governor Espina ug mga kaubanang magpapili nga mga board members didto sa buhatan sa Comelec-Biliran provincial field office nga naa mahamutang sa Biliran provincial capitol compound, Calumpang,Naval, Biliran karong adlawa, Miyerkules, Oktubre 14, 2015.

Si Governor Espina nagsumat usab nga si Kawayan Mayor Rodolfo J. Espina,Sr, nagfile usab sa iyang COC pagka mayor sa lungosd sa Kawayan kauban sa iyang mga konsehal sa partido Bando Espina karong adlawa, Miyerlules,Oktubre 14, 2015 didto sa Comelec-Kawayan.

Si Governor Espina usab nagkanayon nga ang uban nga mga lokal nga kandidato ubos sa Bando Espina sa ubang mga lungsod sa probinsya sa Biliran ang gikatakda nga ugma pang adlawa,Huwebes,Oktubre 15, 2015 magfile sa ilang mga COCs samtang ang uban adto pa sa Biyernes nga adlaw,Oktubre 16, 2015, ang katapusang adlaw nga gitakda sa Comelec pagfile sa COC niadtong gusto magfile sa ilang kandidatura sa umaabot nga Mayo 9, 2016 nga eleksyon.

Comments