Bag-ong nakapasar nga engineer nag-unay, patay

By BiliranIsland.com Staff
Published 9:28 PM, May 31, 2022
BiliranIsland.com

Caibiran, Biliran – Patay na nga gidala sa tambalanan ang usa ka bag-ong nakapasar nga Engineer human nagkutlo sa iyang kinabuhi sulod sa ilang panimalay sa Brgy. Union, Caibiran, Biliran.

Ang insidente nahitabo pasado alas 5 sa hapon, Martes, Mayo 31, 2022.

Naila ang bag-ong Engineer nga si Lexter Tesorero y Puertullano, ulitawo, 23-anyos, ning graduate sa Biliran Province State University (BiPSU) ug nagpuyo sa na asoy nga lugar.

Matod sa kapulisan, nakadawat sila og taho gikan sa usa ka concern citizen, nagpuyo sa samang lugar ug mitaho bahin sa insidente.

Dali nga girespondehan sa kapulisan ang insidente.

Pag-abot sa kapulisan, naabtan nila na gi revive ang biktima didto sa Caibiran RHU, Brgy. Palanay, Caibiran, Biliran. Apan wala na kini kinabuhi.

Sa inisyal nga imbestigasyon nasayran nga mga alas 5:00 sa hapon niadtong Mayo 31, 2022 sa Brgy. Union, Caibiran, Biliran, Mila P Tesorero ug Almario P Tesorero parehong ginikanan sa nasangpit nga biktima nakabantay nga gitrangkahan ang pultahan sa iyang kwarto hinungdan nga ilang gipugos ang pultahan aron maablihan.

Unya, ilang nakita ang ilang anak nga nagbitay sulod sa iyang lawak ug naghikog pinaagi sa pagbitay sa iyang liog gamit ang plastik nga pisi. Human niini, gitangtang dayon sa mga ginikanan sa biktima ang pisi ug gidala sa Caibiran RHU alang sa dinaliang pagtagad.

Sa ilang pag-abot sa Caibiran RHU ang nasangpit nga biktima gisuwayan sa pagbuhi sa iyang kinabuhi ni Dr. Dionesio B Plaza, Attending physician/MHO didto apan napakyas kini ug asphyxia ang hinungdan sa iyang kamatayon pinaagi sa pagbitay.

Depression ang hinungdan ngano nabuhat sa biktima ang kutlo sa iyang kinabuhi.