By:Rodrigo S. Victoria

NAVAL, Biliran, November 4 (PIA) – Giawhag sa mga opisyales sa Philippine Red Cross (PRC)-Leyte Chapter, ang mga Biliranon sa pagsalmot sa pagabuhaton nga Million Volunteer Run 3 karong Desyembre 13, 2015 dinhe sa probinsya sa Biliran.

Mao kini ang kusganonng panawagan ni Aty.Mike Tezon, chairman sa PRC-Leyte Chapter diha sa gipahigayon nga panagtigom kaganinang buntag didto sa Governor’s Hall sakob sa Biliran provincial capitol compound sa Barangay Calumpang, Naval, Biliran.

Million Volunteer Run 3

Matud pa ni Atty. Tezon, kini nga Million Volunteer Run mao ang ika-tulo nga beses nga pagpahigayon sa PRC sa tibuok nasod diin ang katuyoan niini mao ang paglikom ug pondo alang sa mapadayonon nga paghatag sa mga serbisyo sa PRC sa katawhang Pilipinhon sa natad sa disaster risk management and prevention, livelihood, medical ug uban pang mga tabang nga gihatag ug gihalad sa PRC ngato sa katawhang Pilipinhon ug sa uban pang mga dapit sa kalibutan kinsa nabiktima sa mga dagko nga mga katalagman sama pananglit sa mga ayoda ug tabang nga gihatag sa PRC sa panahon nga naigo ang mga nasod sa Japan ug Nepal sa kusog nga linog.

Dugang pa ni Atty. Tezon nga adunay P400 nga registration fee libre na niini ang singlet alang niadtong gusto mosalmot sa Million Volunteer Run 3 diin kini ipahigayon sa lungsod sa Naval dinhe sa probinsya sa Biliran sa mao gihapon nga petsa.

Ang P360 maoy igahin nga dugang pondo alang sa PRC ug ang P40 maoy gamiton nga mobilization fund sa pagpahigayon sa Million Volunteer Run 3.

Ang Million Volunteer Run 3 nga pagabuhaton magsugod sa mga alas-5:00 ang takna sa buntag diin adto kini manukad sa Biliran provincial capitol ground ug mopatighulog paingon liko sa munisipyo sa Naval paingon sa Vicentillo St. – Abad St. – P.Inocentes St. unya balik paingon sa provincial capitol sa Calumpang, Naval, Biliran.

Giawhag usab ni Atty. Tezon ang publiko o ang kadtong mga interesado nga mosalmot sa Million Volunteer Run 3 sa pagfill-up lang sa registration form nga makuha diha sa mga opsina sa municipal social welfare and development offices (MSWDOs) sa walo ka mga lungsod dinhe sa probinsya, sa kapitolyo, mga ahensya nasyonal, mga pribado nga buhatan sama sa OCCI, mga pipila ka mga non-government organizations nga ania mahamutang dinhe sa probinsya sa Biliran.

Previous articleProbinsya sa Biliran mosalmot sa Million Volunteer Run 3
Next articleBiliran engineering district implements quality control activities on school building projects

LEAVE A REPLY

Please enter your comment!
Please enter your name here