Proposal sa pag demolish sa waiting shed sa merkado publiko aron sa ekstensyon paggahimoon para tricycle terminal sa Naval, gialmahan

By: LN FM NICE RADIO

Gialmahan sa mga Navaleno ang wa pa giaprobahang proposal ni Mayor Gerard Espina II sa pagguba sa usa ka waiting shed aron mapalapdan ang tricycle terminal.

Sumala pa sa mga taho, nalipay sila sa katuyuan sa Mayor tungod ug aron mapahiluna na ug tarong ang mga TODA apan aduna silay nakita nga posible usab kini adunay maapektuhang mga negosyante diin kini nagpahiluna usab haduol sa maong waiting shed.
Gihangyo usab sa kadaghanan nga mas bintahang adunay laing pagatukurang tricycle terminal ang lungsod sa Naval aron mahiusa na lang ang mga habalhabal kay hasta niining tungura wala pa silay ilang kaugalingong terminal hinungdan nga mas mosamot ang ka traffic ang kadalanan sa atong lungsod.

Gitataw sa Mayor nga niadtong gihisgutan kini sa Sangguniang Bayan ilang gi imbetahan ang pundok sa Naval Cockers Club aron sa pag pangayo ug laing opinyon sa pagpasabot sa maong proposal.

Dugang pa ni Mayor Espina, kung mapatigayon ang maong proposal, dili kini kawad-an ug mga pulungkuan para sa mga pasahero nga naghulat sa ilang masakyang tricycle.
Sa laing kalambuan.

Hingpit nang ipatuman sa pagtapos sa bulan sa Enero 2017 ang pag-implementar sa Noisy Muffler Ordinance sa nahisgutang lungsod.

Tungod sa mga mulo sa mga pumuluyo sa maong lungsod nahimugso kini ang maong ordinansa. Gani nakitaan kini ug maayong katuyuan hinungdan nga wala na kini nagdugay sa paghisgut-hisgot ug gi aprobahan kini sa Mayor.

Sa mahinumduman, si councilor Eden Apolinar mao ang nangamot sa pagbuhat sa mong ordinansa aron mahatagan ug kasulbaran ang kabanha sa mga muffler sa mga motorista oras sa kagab-ihon