By BiliranIsland.com Staff
Published 09:22 PM, November 24, 2021
BiliranIsland.com
Usa ka studyante ang nagkutlo sa iyang kinabuhi didto sa cr sa Biliran Provincial Hospital (BPH) sa lungsod sa Naval.
Matud pa sa taho, gamit ang shoe lace, gi putol niya ang iyang kinabuhi ug nag Facebook live pa kini.
Ang biktima giila nga si Democrito “Elvis” Acop Jr. y Cadano, 26 anyos, 3rd year AB Communication Arts student sa Biliran Province State University) BiPSU ug nag puyo sa Brgy. P. I. Garcia.
Sa inisyal nga imbestigasyon nga gihimo sa Naval Municipal Police Station nasayran nga katapusang nakit-an ang maong biktima alas 2:00 sa hapon Nobyembre 24, 2021 samtang nag-atiman sa pasyente.
Matod sa nahisgutang saksi, gipahibalo siya sa iyang higala nga adunay usa ka biktima nga nag live sa facebook tungod sa pagkutlo. Diha-diha dayon miadto sa tambalanan ang saksi aron i-verify ang nadawat nga impormasyon. Pag-abot didto, deretso kining nipaingon sa comfort room apan sirado ang pultahan hinungdan nga nangayo kini og tabang sa mga personahe sa maong tambalanan ug nakadesider nga pugson nga ablihan ug nahibaw-an nga ang biktima nga wala nay kinabuhi.
Matod sa kabanay, loner person ang biktima. Nangayo kini og SOCO alang sa pagproseso ug disposisyon. Ang biktima gideklarar nga patay mga alas 3:20 sa hapon ning petsaha ni Dr. Madonna Payao, MD, BPH.
Wala pa hisayri ang hinungdan.
